Personnages
Mentors et formateurs
Participants

Tshishapeu
Tshishapeu, uashaunnu, netshishkuakaniti shaputue tshimatenimau kuenuenimikut tshekuannu e minuashinit mak ishpish patshitinitishut. Anutshish utaumau, nishtinnuepipuneshu kie shash tshi nikamu anite e mitshetinannut. Nenu e uitenitakushut mak shaputue kie e minuanit aimunnu petshitinaki, apu takuannit tshetshi eka pashkapamakanit anite mamu etaht. Aiat ushkuishtatishu tshetshi anu katshitinak e tauapekaitshet mak kassinu tshekuannu utinamu tshetshi ut aiat minu-kanuenitashut.

Maude
Maude eukuan pessamishkueu. At e shakuenimut, ishkueu ka kutunnuepipuneshit ashu peikushteu (19) ui mishta-tshishkutamatishu. Apu tauapekaitshet tauapekaikannu, muku mishta-minuatamu tshetshi nikamut.

Scott
At e auassiut, Scott minu-kanuenitashu anite e nikamut e tanannut kie tapuetatishu tshekuannu e tutaki. Kie shash tutamu nikamuna kie ui shaputuepanu tshetshi tutak ktaka tshe ishpish anite nenu tat katauapekaitshenannut. Uashat mak Mani-utenam utshipanu mak 18 itatupipuneshu. Eukuan ussinitshishu ka tapueienitakushit kie ka minuenitakushit mak menuatak tshetshi tshishkutamatishut ussi-tshekuana.

John-Emile
John-Émile, nishunnuepipuneshu ashu nishuaush (28), Uashat mak Mani-utenam innu. Kutuasht itashinua utauassima, Uin uetshit tshishkutamatishupan ka utamapekaikannit tauapekaikannu. Napeu ka ui minutat utatusseun kie apu minuatak nekatakannit tshekuannu eka e tshishtakannit. Apu nita tutak nikamuna muku ui mishta-atushkatishu tshetshi unuipanitat unikamuna.

Christopher
Christopher, ka utamuat teueikana anite mamu katauapekaitsheht, 25 itatupipuneshu kie innu ne. Eukuan ussinitshishu ka tapuetatishut mak ka shutshenimut. Nakatamupan utatusseun kie utassi Unaman-shipu tshetshi natshi-utinamat aishi-tauapekaitshenannut teueikan e uinakanit. Eukuan napeu ka minu-utinitishut ka minuatak tshetshi tauapekaitshet mak tshetshi tshishkutamatishut anite mamu uinuau katauapekaitsheht.

Karen
Kuetunnuepipuneshit ashu kutuasht (16), Karen eukuan anu uet auassiut anite etashiht. Nishtuapatamu kamatau-pikutakannit e metuenannut, tauapekaikannu mak minuatamu e pamishkat. Kushkushiueu shaputue tshekuannu e katshitinak, e tutak tshekuannu mak menushkakut nikan e tati anite e mitshetinannut. Uashat mak Mani-utenam innushkuess, ui natuapatamu utinnu-aitun mak ui shaputuepanu anite e tauapekaitshenannut.

Kwena
Kwena kutunnuepipuneshu ashu nishuaush (18), Atikameku-ishkueu anite ut Wemotaci. Uet auassiut, nikamu kie nimu anite Meshta-metuenannut. Kie uin tau anite Northern Voice, ka teputepueht mamu ka taht kanikamushiht. Tapishinu anite uetshipanit kie tapuetatishu tshetshi ashu-patshitinamuat uitshi-innua.